КЭБЭЭЙИ ЫТЫК СИРИГЭР ТОЙОН СЭРГЭНИ ТУРУОРДУЛАР




Кэбээйи нэһилиэгэр бүгүн эмиэ биир ураты күн буолла. Олохтоохтор киэн тутта кэпсиир биир дойдулаахтара, норуот маастара, Арассыыйа худуоһунньуктарын сойууһун чилиэнэ Алексей Андреев кэлэн улуу суруйааччы Т.Е.Сметанин үбүлүөйүнэн уонна Кыайыы 75 сылынан Чомчуһах алааска Тойон сэргэни уус илиитинэн мандардаан туруорда.


Нэһилиэк баһылыга Андрей Кобяков, бэтэрээннэр Сэбиэтин бэрэссэдээтэлэ Егор Павлов, суруйааччы аймахтарын ааттарыттан Екатерина Сметанина сэргэни нарылаан оҥорбут Алексей Андреевка махталларын тиэртилэр.


Дьоһун бэлэҕи оҥорбут маастар Алексей Васильевич – муосчут-худуоһунньук, СӨ култууратын туйгуна, муустан оҥоһук куонкурустарыгар Аан дойду таһымнаах кыайыылааҕа. Биир дойдулаахтара уолларыгар айымньылаах үлэни, өссө да кэрэ, уран оҥоһуктары айан үүнэ-сайда, саҥа кирбиилэри дабайа турарыгар баҕараллар.


Источник: @ulusmedia, автор Татьяна Максимова - Лазарева

1 просмотр0 комментариев