Мукучуга сана сэргэ турда

Быйыл Улуу Кыайыы 75, Патриотизм сыла. Дойдуга ааҥнаабыт аан хамсык кэмигэр үбүлүөйдээх сылбыт тэрээһинэ эмиэ онно сөп түбэһиннэрэн сыыйа-баайа олоххо киирэр. Алтынньы 9 күнүгэр, Кэбээйи улууһун Мукучу нэһилиэгэр Улуу Кыайыы 75 сылыгар анаммыт сэргэни аҕам саастаах дьоҥҥо анаммыт пааркаҕа туруордулар. Сэргэни туруоруу алгыһын, сиэрин-туомун нэһилиэк Ытык киһитэ Данил Никифорович Николаев толордо. Хотой Айыы уонна Кыайыы сылыгар анаммыт сэргэни олохтоох уус уол Александр Григорьев оҥордо.


0 просмотров0 комментариев